Yes,Life Is Beautiful,but.......

                                   हिमालयाशी सांगती नाते                                  सह्यगिरीचे कडे,                                  जय महाराष्ट्र, जय महाराष्ट्र,                                  जय निनादती चौघडे……….                                     || जय महाराष्ट्र ||                                ☘️☘️☘️☘️☘️☘️☘️

             यावेळी दोन चित्रपटांची ओळख तुम्हाला करून देणार आहे. एक आहे देशी आणि दुसरा आहे विदेशी चित्रपट !            ‘जुने ते सोने’ ही संकल्पना घेऊन शासनाच्या सांस्कृतिक विभाग अंतर्गत चित्रपट महामंडळाच्या वतीने काही महिन्यांपूर्वी एक मराठी सिनेमा मुंबईत खास समारंभात दाखवण्यात आला होता. तो बघण्याची संधी मला मिळाली.            स्व. अनंत माने त्याचे निर्माते व दिग्दर्शक होते. सिनेमाचे नाव होते ‘अवघाची संसार’. १९६० साली प्रसिद्ध झालेला ‘अवघाची संसार’ त्या काळी गाजला होता. या विनोदी सिनेमाची कथा अफलातून होती. गाणीही श्रवणीय होती. एव्हरग्रीन कलावंतदेखील यात होते.            शेवटपर्यंत प्रेक्षकांचे रंजन करणारा हा देशी सिनेमा तुम्हाला नक्की आवडेल.            या शिवाय, १९८३ साली प्रदर्शित झालेला एक हंगेरियन सिनेमा मी प्रभात चित्र मंडळाच्या कार्यक्रमात पाहिला होता. ‘हाऊस वॉर्मिंग’ असे याचे नाव असून दिग्दर्शन झॉल्टन फॅब्री यांचे होते. प्रेक्...

                  विद्येच्या उपासकांना ज्ञान देणारे ‘वेचक वाचन’ आयुष्यात खूप मोलाचे ठरते. ते मनाला उभारी देते. ज्ञान मिळविताना रंजन करणारे वाचन आपले चित्तही प्रफुल्लित ठेवते. आपला वेळ सत्कारणी लावते. याची प्रत्यक्ष अनुभूती मी वेळोवेळी घेत आलो आहे.                 या एप्रिल महिन्यात २३ तारखेला ‘जागतिक पुस्तक’ दिन सर्वत्र उत्साहात साजरा होईल. या निमित्ताने समस्त वाचकांना मनःपूर्वक शुभेच्छा देताना मी इथे एका महत्वाच्या मराठी पुस्तकाविषयी परिचय करून देत आहे………… 🌹सावंतवाडी संस्थानचा इतिहास🌹                  कोकण प्रांत, विशेषतः दक्षिण कोकण प्रांतात सावंतवाडी संस्थानचे शिवकालीन पूर्वोत्तर काळात अधिपत्य करणाऱ्या ‘सावंत भोसले’ या राजघराण्याची सर्वांगी माहिती, त्याचप्रमाणे तत्कालीन राजकीय आणि प्रशासनिक स्थितीची ओळख करून देणारे ‘सावंतवाडी संस्थानचा इतिहास’ हे पुस्तक महादेव झिलू सगम यांनी विविध संदर्भ ग्रंथ व अभ्यासकांच्या मदतीने माहिती मिळवून अभ्यासू दृष्टिकोनातून ...

  चार शतकं होत आली, तरी नसानसांत राजे. आले गेले कितीही तरी मनामनांत राजे. स्वराज्य म्हणजे राजे स्वाभिमान म्हणजे राजे,                                    || जाणता राजा || 💐२ एप्रिल- पुण्यतिथी- चैत्र पौर्णिमा💐 💐३ एप्रिल-पुण्यतिथी तारखेप्रमाणे💐                        🌹🌹🌹🌹🌹

            साहित्यिक आणि लक्षवेधी व्यक्तींच्या स्वाक्षरी घेऊन त्या संग्रही ठेवणे हा माझा आवडता छंद होता. तो आता जुना झालाय. म्हणजे जवळपास बंद झालाय. आता आठवण झाली की स्वाक्षरीची डायरी उघडून मी त्यातल्या स्वाक्षऱ्या बघतो अन् हरकून जातो.             स्वाक्षरी एवढेच सुविचारांवरही माझे प्रेम आहे. कोठे फलकावर सुविचार-सुभाषितं दिसली की ती वाचतो. ती मला भावतात……….. 🌹सुविचार-सुभाषिते आणि संत विचार🌹             सहज फिरता चालताना वाटेत दिसणारी ट्रकसारखी वाहने, देवालये, समाजमंदिरे, संस्कार केंद्रे, कॉलेजचे आवार, तसेच एस टी डेपो, धर्मशाळा, आश्रमशाळा, कुणाकुणाची निवासस्थाने, काही कार्यालयातले सूचना फलक, इत्यादींवर लिहिलेली सुविचार-सुभाषितं आपले लक्ष सहज वेधून घेतात.             मुंबईतील एका स्मशानभूमीत लिहिलेला एक सुविचार माझ्या कायम स्मरणात राहिलाय. ‘येथ पर्यंत आपण आमची साथसंगत केलीत, या बद्दल आपले आभारी आहोत, येथून पुढची वाटचाल आमची आम्हालाच करावी लागणार आहे.’ पृथ्वीतळ स...

               दैनिक ‘महाराष्ट्र टाइम्स’ मध्ये एक कविता माझ्या वाचनात आली. ‘देवळात देव कुठे आहे ?’ असे शीर्षक असलेल्या या कवितेचे लेखन विजयराज बोधणकर यांनी केले आहे. माझ्या माहितीप्रमाणे ते प्रसिद्ध चित्रकारही आहेत.              देवावर श्रद्धा असणारा मी हे काव्य वाचताना गोंधळून गेलो. मात्र ते पुन्हा वाचताना माझे मन अंतर्मुख होऊन स्वतःलाच प्रश्न विचारू लागले की, ‘नेमका कुठे असतो देव ?’ देवळात की देवळाबाहेर ? 🌹देवळात देव कुठे आहे ?🌹 अरे, तू एका दाण्यातून अनंत होऊन येतोस, माझ्या रिकाम्या थाळीत भाकर होऊन प्रगटतोस, म्हणून तर मी जगतोय…. अन् तरीही इथली हेकेखोर माणसं म्हणतात, देव देवळातच आहे ! अरे, तू वाळल्या लाकडातून अग्नी होऊन प्रगटतोस, म्हणून माझी चूल पेटते, म्हणून तर माझ्या पोटातला अग्नी शमतोय…. अन् तरीही इथली हेकेखोर माणसं म्हणतात, देव देवळातच आहे ! तू कळीतून उमलून फुलातून प्रगटतोस, तू अंधार होऊन येतोस, अन् तुझ्या कुशीत दिवसभराचा बैल थकवा सैल होऊन जातो. दुसऱ्या दिवशी पुन्हा किरणांच्या वाणांनी अंधार फाडत मला ...