Yes,Life Is Beautiful,but.......

                     आपल्या घराचे घरपण कायमस्वरुपी टिकावे , असे साऱ्यांनाच वाटते . हे सांगणारी एक भावकविता माझ्या कायम स्मरणात आहे . मोजक्या शब्दांत आपल्या घराबद्दलच्या भावना करणारे हे सुंदर काव्य आहे .                       मात्र हे काव्यलेखन करणारे मान्यवर कवी कोण , याचा शोध मला अद्यापही लागलेला नाही ……….. 💐 घर 💐 घर असावे घरासारखे , नकोत नुसत्या भिंती तिथे असा वा प्रेम जिव्हाळा , नकोत नुसती नाती त्या शब्दांना अर्थ असावा , नकोच नुसती वाणी सूर जुळावे परस्परांचे , नकोच नुसती गाणी त्या अर्थाला अर्थ असावा , नकोत नुसती नाणी अश्रूतुनही प्रीत झरावी , नकोच नुसते पाणी या घरट्यातून पिलू उडावे , दिव्य घेऊनी शक्ती आकाक्षांचे पंख असावे , श्रीस्वामींवर भक्ती .             :::::::::...

                   प्रत्येक नवदाम्पत्य   आपल्या आयुष्यभराच्या जोडीदारासमवेत संसाराची सुखस्वप्ने पाहत असते . ही स्वप्ने प्रत्यक्षात आणण्याची जबाबदारी अर्थात त्या दोघांची असते .   लग्न समारंभात मुलामुलींचे आईवडील आपल्या लेकरांना ' नांदा सौख्य भरे '   असा शुभाशीर्वाद मनापासून देतात .   मात्र या प्रसंगी मंगलाष्टकं म्हणताना सांगितलेला ' शुभमंगल सावधान ' हा उद्घोष दोघांसाठी अत्यंत महत्त्वाचा असतो .                    नव्याचे नऊ दिवस सरल्यावर दोघांचा संसार सुरू होतो , तेव्हा कुठं नवदाम्पत्याला त्याचे   वास्तवरूप जाणवू लागते .   वाढती जबाबदारी , नवीन सोयरे पाहूणे , खर्चाचा भार , नव्या घरात अवती भवती वावरणाऱ्या माणसांच्या सवयी व स्वभाव ,… या साऱ्यांमधून अलगद वाट काढीत दोघांना आपला संसार फुलवित पुढे न्यायचा   असतो ...