Yes,Life Is Beautiful,but.......

                डिसेंबर महिन्यात एक दिग्गज कलाकर्मी श्याम बेनेगल यांचे दुःखद निधन झाले. कलात्मक चित्रपट निर्मिती व दिग्दर्शन क्षेत्रातील हे अग्रणी व्यक्तिमत्त्व. दोन वर्षांपूर्वी याच महिन्यात विख्यात सिने समीक्षक व सिने सोसायटी चळवळीचे प्रणेते सुधीर नांदगावकर यांचे निधन झाले. प्रभात चित्र मंडळ परिवारातील सिने अभ्यासक व पत्रकार श्रीमती नीला उपाध्ये याही काही आठवड्यांपूर्वी स्वर्गस्थ झाल्या.                     सिने चळवळीशी संबंधित असलेल्या या तीन बुजुर्ग व्यक्तीमत्वांविषयी हे चार शब्द………. 🌹बेनेगल, नांदगावकर, उपाध्ये आणि ‘प्रभात’🌹               चित्रपट कसे पहावेत याचे धडे देत सुजाण प्रेक्षक घडविण्याचा ध्यास घेतलेल्या प्रभात चित्रपट मंडळाची वाटचाल ४ जुलै १९६८ पासुन सुरू झाली. ‘प्रभात’ आता पन्नाशीच्या पुढे गेलेय. ही संस्था नावारूपाला आणण्यात सिंहाचा वाटा उचलणारे स्वर्गीय वसंत साठे(पटकथाकार), सुधीर नांदगावकर(सिने समीक्षक), दिनकर गांगल(पत्रकार) तसेच इ...

                  एका दिवाळी विशेषांकात वाचलेली शब्दप्रभू कविवर्य मंगेश पाडगावकर यांची “कवी” ही कविता कोणाही रसिक ‘शब्द’प्रेमीला भुरळ घालेल अशी आहे. शब्द आणि कवीची मैत्री बोलक्या शब्दांत व्यक्त करणारी ही कविता तुम्हालाही भावेल………... 🌹कवी🌹 बोलताना कोणी म्हटलं, “असं काय,” माझ्या मनात जुळून यायचं, “कसं काय,” बोलताना कोणी म्हणे, “वेळ झाला,” माझ्या मनात शब्द उडत, “खेळ झाला.” कां बरं असं होतं ? मलाच नसे कळत ! कशासाठी शब्द जुळून माझ्याकडेच वळत ? मी भिऊन नको म्हटलं तरी शब्द येत, आणि माझे लाड करीत मला जवळ घेत ! मग मीही जुळवू लागलो शब्द असे तसे, माझे शब्द होत पक्षी, झरे, डोंगर, ससे ! कौतुकाने आई म्हणे, “कविता कारे नवी ?”  लाडाने बाबा म्हणत, “कसं काय कवी ?” शेजारची एक मुलगी माझा द्वेष करायची, माझ्याकडे खी खी हसत “कवडा आला” म्हणायची ! वर्गात लक्ष नसलं की मास्तर म्हणत, “कवी, गणिताची बोंब ! आता कमरेत लाथच हवी !” मी तरी काय करू ? शब्दच जर येतात माझ्या गळ्यात गळा घालून मला जवळ घेतात !!                   ...

                मुंबईतील मान्यवर मराठी साहित्यिकांनी एकत्र येऊन स्थापलेल्या मुंबई मराठी साहित्य संघ या जुन्याजाणत्या संस्थेने लवकरच मुंबापुरीमध्ये ब्लॉग लेखकांचे एक संमेलन आयोजित करण्याचे घोषित केले आहे. या निमीत्ताने साहित्य संघाने दोन विषयांवर ब्लॉग लेखन स्पर्धा घेतली होती. त्यामध्ये सहभाग घेऊन मी खालील विषयावर माझी मते थोडक्यात व्यक्त केली आहेत………… 🌹मराठी भाषेला अभिजात दर्जा मिळाला, पुढे काय ? 🌹          मराठी भाषेला अभिजात भाषेचा दर्जा मिळावा म्हणुन अथक पाठपुरावा करणाऱ्या महाराष्ट्रातील जाणत्या मंडळींचे परिश्रम सार्थकी लागले आहेत, मराठी जनमानसाचा उत्साहही त्यामुळे वाढला आहे.          मात्र याची दुसरी बाजू काहीशी वेगळी आहे, असे मला वाटते. संदर्भासाठी मी एक वृत्तपत्र कात्रण येथे देत आहे. ‘मराठी शाळा बंद पडणे हे वेदनादायी...’ हे वृत्त नुकतेच (शनिवार दिनांक २३ डिसेंबरच्या) ‘दैनिक लोकसत्ता’ मध्ये प्रसिध्द झाले आहे. मराठी भाषाप्रेमी वाचकांनी ते वाचले असेल.          ...

               || नववर्षाच्या मन:पूर्वक शुभेच्छा ||      ब्लॉग प्रेमी मित्र-मैत्रिणींनो,        सस्नेह नमस्कार,                   जानेवारी - २०१८ पासुन दर महिन्याच्या एक तारखेस ब्लॉग लेखन प्रसिध्द करण्याचा मी संकल्प केला होता, हे लेखन आजही सुरु आहे. मनातले आशय-विचार ब्लॉग माध्यमातून विविध सदरांच्या स्वरुपात येथे प्रकट करण्याची संधी मला मिळाली.                    हे लेखन कितीसे वाचले गेलेय, याबद्दल प्रारंभीपासुन मला कुतूहल आहे. मात्र या निमित्ताने आपली लेखन निर्मिती होतेय, याचे समाधान मोठे आहे. याच छंदापायी आपल्या हातून एक ई बुक आणि एक पुस्तक प्रसिद्ध होऊ शकले, याचा विशेष आनंद आहे. ही ‘ब्लॉग’ वाटचाल या पुढेही चालू ठेवणार आहे. आपण आपला वाचनछंदही चालू ठेवावा इतरांना देखील चौफेर वाचन करण्यासाठी प्रोत्साहित करावे, अशी आपणास नम्र प्रार्थना आहे..………..             ...

                                            ‘पापाची व्याख्या’          ‘ अगदी सरळ मार्गी असणे हे एक प्रकारचे पापच आहे. हे पाप कालांतराने माणसाच्या दुर्बळतेचे कारण बनते.’                                                 स्वामी विवेकानंद.                                         (जन्मदिन १२ जानेवारी १८६३)         ‘ सर्वात मोठे पाप म्हणजे अन्यायाशी तडजोड करणे.’                                             नेताजी सुभाषचंद्र बोस                         ...

                     कोकणात भटकंती करताना मुंबई पासून फारसे दूर नसलेले अलीबाग आणि मुरुड, नागाव, अक्षी, रेवदंडा, चौल, किहीम, कणकेश्वर, मांडवा, सासवणे, अशा कितीतरी लक्षणीय स्थळांची पर्यटकांना भुरळ पडते. आम्हा गिरीभ्रमण करणारांना मात्र अलिबाग मधील कुलाबा, सागरगड, कोरलाई, जंजिरा, पद्मदुर्ग, खांदेरी आणि उंदेरी, या सागरी किल्ल्यांची जास्त भुरळ पडते.                    मला या दोन्हींची सफर करण्याची संधी एकदा लाभली होती. समुद्राने वेढलेला खांदेरी किल्ला आणि टुमदार घरांच्या सानिध्यात वसलेले चौल व रेवदंडा गाव मला बघायला मिळाले. फक्त दोन दिवसांच्या या सागर सफरीची विशेष कहाणी इथे थोडक्यात सांगत आहे……….. 🌹चौल -खांदेरीची विशेष सफर🌹                    ही भटकंती करायला खरेतर आम्ही तिघेजण जाणार होतो. पण अचानक एका सवंगड्याचे येणे रद्द झाले. दुसऱ्याला काही काम निघाले. शेवटी आपण एकट्यानेच जावे असे ठरवून मी मुंबईतील भाऊच्या धक्क्यावर निघालो. तेथे ...

                 गिरीभ्रमणाचा छंद जोपासताना अखिल महाराष्ट्र गिर्यारोहण महासंघ या आपल्या महाराष्ट्रातील शिखर संस्थेच्या कार्यात सहभागी होण्याची संधी मला वारंवार मिळाली. महासंघाचे उपक्रम आणि सभा-समारंभांच्या निमित्ताने काही जाणती व्यक्तिमत्वं पहायला मिळाली, चांगल्या वास्तूंचे दर्शनही घेता आले.                त्यापैकी विशेष आठवणीत राहणाऱ्या दोन संस्था-वास्तू आहेत. पुणे पौड मार्गावर खाटपेवाडी-भुकुम मध्ये अनाथ, वंचितांना विरंगुळा देणारी ‘स्वरूप सेवा’ ही संस्था कार्यरत आहे, तर शिवशाहीर बाबासाहेब पुरंदरे यांच्या संकल्पनेतील ‘शिवसृष्टी’ पुणे बंगरुळू महामार्गानजिक नरे आंबेगाव येथे आकारात येत आहे.                ‘स्वरूप सेवा’ संस्थेविषयी अल्प परिचय या ब्लॉग साईटवर पुर्वी दिलेला आहे. आज आपण ‘शिवसृष्टी’ विषयी जाणून घेऊ या............ 🌹‘शिवसृष्टी’🌹                    ‘शिवसृष्टी’ ही वास्तू आंबेगाव बुद्रुक या गावच्या परिसरा...