🌹🌹स्वर्गस्थ🌹🌹

 

             मास्टर दीनानाथ मंगेशकर यांच्यासारख्या दिग्गज शास्त्रीय गायक आणि नाट्य कलावंताच्या कुटुंबात जन्माला आलेले प्रत्येक अपत्य हे जणू स्वरनक्षत्रांचे देणेच ! आशाताई भोसले त्यापैकी एक.

             लक्षावधी रसिक श्रोत्यांच्या हृदयात स्थान मिळविलेल्या या थोर स्वर्गीय गायिकेला आदरांजली वाहताना त्यांच्या विषयीच्या माझ्या भावना येथे व्यक्त करीत आहे….……..

🌹सुरेल स्वरमाला : आशा भोसले🌹

             खरे तर, या थोर गायिकेविषयी लिहिण्याएवढा मी मोठा नाही. एक सर्वसामान्य श्रोता आहे. मात्र एक जरूर सांगेन की, माझ्या आवडत्या गायकांमधली ही शिरोमणी गायिका होती. जे दुःख मला लताबाई मंगेशकर गेल्यावर झाले, तेवढेच दुःख आशाताई गेल्यावर झालेय.

            दिवसा रात्री केव्हाही सुमधुर गीत-संगीत ऐकताना मी तन्मय होतो. सुमधुर गाणी आणि संगीत माझे ताण-तणाव कमी करतात व काम करायला प्रेरणा देतात, मला सदैव उत्साही ठेवतात. ही अनुभूती मी वेळोवेळी घेत आलो आहे.

            आशाताई आज आपल्यात नाहीत, हे पचविण्यापलीकडचे दुःख आहे. पण मी भाग्यवंत आहे. या स्वर्गीय गायिकेच्या आवाजातील सुमधुर गीते माझ्या संग्रही आहेत. हा माझा मौल्यवान ठेवा आहे. मी कधीही त्यांचे सुस्वर ऐकू शकतो. त्यामुळे मिळणारा आनंद चिरकाल टिकणारा आहे.

            लक्षावधी रसिक श्रोत्यांचा दिवस सोनेरी करणाऱ्या या स्वरमालेच्या स्मृतीला,

                             💐 || भावपूर्ण आदरांजली ||💐

🍀माझ्या संग्रहातील आशाताईंची काही सुमधुर मराठी, हिंदी गीते आणि नाट्यपदे🍀

*फुलले रे क्षण माझे…….

*फिरुनी नवी जन्मेन मी……..

*चांदणे शिंपीत जाशी……..

*नाच रे मोरा……..

*उठी श्रीरामा………

*जिवलगा, कधी रे येशील तू……….

*का रे दुरावा……….

*केव्हा तरी पहाटे……….

*शारद सुंदर चंदेरी राती………..

*मलमली तारुण्य माझे……….

*प्रभाते सूर नभी रंगती……...

*गोरी गोरी पान…………..

*एका तळ्यात होती…………..

*पाण्यातले पहाता प्रतिबिंब हासणारे………….

*मी मज हरपून बसले गं…………….

*परवशता पाश दैवे…………

*विकोपले मधू मीलनात या…………

*शूरा मी वंदिले…………

*चंद्रिका ही जणू……….

*आओ हुजुर तुमको………..

*जाईये आप कहां जायेंगे……….

*तोरा मन दर्पण कहलाए………..

               💐💐💐💐💐💐💐💐💐💐