💐💐मनभावन गीत, गाणे अन कविता💐💐

          आपल्या देशाचा  ७३ वा प्रजासत्ताकदिन यंदाही उत्साहात साजरा होईल. देशाला स्वातंत्र्य मिळावे यासाठी असंख्य देशप्रेमीयांनी  अखंडितपणे लढा दिल्यानंतर हे स्वातंत्र्य आपल्याला मिळालंय, याचे भान आपण   प्रत्येक भारतवासियाने बाळगायला हवेय, तसेच स्वातंत्र्यानंतर देश प्रजासत्ताक झाल्यामुळेच भारताची इतकी प्रगती होऊ शकलीय, याचा सार्थ अभिमान  आम्ही प्रत्येकाने बाळगायला हवाय.

               स्वर्गीय साने गुरुजींचे देशप्रेम स्वातंत्र्यापूर्वी आणि स्वातंत्र्यानंतर अखंडितपणे होते. भविष्यात आपला भारत देश अधिक बलशाली व्हावा, हे स्वप्न उराशी बाळगीत या कविहृद्याच्या थोर विभूतीने किती सुंदर काव्य लिहिलेय ! आजही ते तुम्हा-आम्हाला प्रेरित करेल…………..

          ||  भारतीय प्रजासत्ताकदिनाच्या हार्दिक शुभेच्छा ||

 

      💐बलसागर भारत होवो💐

 

बलसागर भारत होवो | विश्वात शोभुनी राहो ||धृ ||

हे कंकण करी बांधियले | जनसेवे जीवन दिधले |

राष्ट्रार्थ प्राण हे उरले | मी सिद्द मरायाला हो ||१||

वैभवी देश चढवीन | सर्वस्व त्यात अर्पिन |

हा तिमिर घोर संहारिन | या बंधु सहाय्याला हो || २ ||

हातात हात घेऊन | हृदयास हृदय जोडून |

ऐक्याचा मंत्र जपून | या कार्य करायाला हो || ३ ||

करि दिव्य पताका घेऊ | प्रिय भारत गीते गाऊ |

विश्वात पराक्रम दावू | ही माया निजपदा लाहो || ४ ||

या उठा, या उठा करू हो शर्थ | संपादू दिव्य पुरुषार्थ |

हे जीवन ना तरि व्यर्थ | भाग्यसूर्य तळपत राहो ||५ ||

ही माय धन्य होईल | वैभवे दिव्य शोभेल |

जगतास शांती देईल | तो सोन्याचा दिन येवो ||६ ||

 

                                    --साने गुरुजी.

 

 

                                              -------------------------