💐💐मनभावन कविता💐💐

       आपण स्वतः आपुल्या भोवतालची माणसं न्याहाळताना ‘काही लोक’ आपणास कसे दिसतात अन भासतात, हे सांगणारी ही साधी, सरळ गद्य कविता तुमच्यासाठी……………...

 

💐काही लोक……………..

काही लोक जगतात खूप, पण मरतात रोज

काही लोक बोलतात कमी, डोलतात खूप, डोलण्यातून त्यांचे वाजते सूप

काही लोक त्यांचे ऐकायला लावतात, तर काही लोक त्यांचं बोलणं विसरायला लावतात

 

काही लोक तर अबोल राहून बोलत असतात जणू नजर त्यांची जीभ असते,

पण कान उघडल्यावर ती रान ऐकवते

काहींना असते उजेडाची सवय, पण उजेड  काही त्यांना जवळ करत नाही

काही लोक दिसतात छान, पण ते मुके पुतळे भासतात

 

काहींना नसते भीडभाड, उचलतात जीभ, करतात स्वतःचीच गोची

तुम्हाला सांगतो, काहींचे दिसते तसे नसते, तुम्ही फसता मीही फसतो

काही लोक रिकामेच बसतात, त्यातच रमतात, मग कंटाळून निकामी बनतात

काहींना असते मस्ती खूप, पण वस्तीच त्यांना लावते थुक

 

काही लोकं करतात कविता, पाडतात कविता, ऐकवतात कविता, त्यातच रमतात, एकाकी बिचारे

काही लोकांना असते सतत भिती, मध्यमवर्गीय बिचारे

तर काहींना असते चाड नीती, स्वतःच्या स्टेटसची, व्हाईट कॉलर्ड बिचारे

 

असेच लोक अवती भवती माझ्या अन तुमच्या, माझ्या अन तुमच्या…………..

                        

                                        ::::::::::::::::::::::::::::::::::::::::::