💐मनभावन गीत💐

💐मनभावन गीत💐

                मराठी चित्रपट ‘एकटी’  मी फार पूर्वी पाहिलाय. एक कष्टाळू  व  प्रेमळ अशी आई  या चित्रपटात मला पाहायला मिळाली. आपल्या मुलाला तन-मन-धनाने ती वाढविते. त्याचा संसार उभा करून देते.  त्यानंतर तो मुलगा तीचा राहात नाही. त्याला आपली आई परकी वाटू लागते. 

                पण आपलं लेकरू सदैव सुखातच राहावं, ही इच्छा मनी बाळगीत बिचारी माऊली एकटी एकटी राहाते.या एकाकी अवस्थेतदेखील आपल्या मुलाचे भलेच व्हावे, ही तीची आंतरिक इच्छा असते. 

                ही आई देवाघरी गेल्यानंतर जागा झालेला मुलगा ओक्षाबोक्शी रडतो खरा, पण उपयोग काय ?,  हे कथारूप सांगणारी ‘ एकटी ‘ ची कथा मनात घर करते.   

                आज इतक्या वर्षानंतरही मला आतून अस्वस्थ करणारे ‘ एकटी ‘ मधील  हे ‘आठवणीतील गीत’ तुम्हाला देखील अस्वस्थ करेल………..

           

💐निमिष एक थांब तू💐

         लिंबलोण उतरू कशी,              

         असशी दूर लांब तू

         इथून दृष्ट काढीते,

     || निमिष एक थांब तू ||

 

         एकटाच मजसी तू,

         उभ्या जगात लाडका

         तूच दुःखसागरी,

         उभविलीस द्वारका

         सर्व भार घेतला,

         असा समर्थ खांब तू

         इथून दृष्ट काढीते,

     || निमिष एक थांब तू ||

 

         धन्य कूस आईची,

         धन्य कान लोचने

    कृतार्थ जन्म जाहला,

    फिटून जाय पारणे

    अनंत कष्ट सोसले,

     फेडीलेस पांग तू

          इथून दृष्ट काढीते,

     || निमिष एक थांब तू ||

 

    शीणभाग संपला,

    तृप्त माय जीवनी

    आयु उर्वरित ते,

    सरेल ईश चिंतनी

    लाभले न जे कुणा,

    असे सुदैव भोग तू

    इथून दृष्ट काढते,

   || निमिष एक थांब तू ||

 

गीतकार-ग.दि.माडगूळकर, गायिका-सुमन कल्याणपूर, संगीत-सुधीर फडके, अभिनेत्री-सुलोचना.

 

                                                            :::::::::::::::::::::::::::::::::::::::::::