💐💐💐स्वर्गस्थ💐💐💐

💐💐💐स्वर्गस्थ💐💐💐

           शिवप्रेमींनो, छत्रपती श्रीशिवरायांची पुण्यतिथी या महिन्यात आठ एप्रिलला आहे.

           श्रीशिवप्रभूंचे  पुण्यस्मरण  करताना, समर्थ रामदास स्वामींनी  शिवरायांना  लिहिलेले एक प्रसिद्द  काव्यमय पत्र  मला आठवते. ते वाचताना मर्द मावळ्यांच्या महाराष्टात जन्मलेल्या माझ्यासारख्या सामान्य माणसाचा उर भरून येतो आणि मनोमनी मी शिवचरणी नतमस्तक होतो………......

💐शिवकल्याणराजा………………

                            निश्चयाचा महामेरू | बहुत जनांसी आधारू ||

                                अखंड स्थितीचा निर्धारु | श्रीमंत योगी ||१||

                                परोपकाराचिया राशी | उदंड घडती जयाशी ||

                                जयाचे सुखवैभवासी |तुळणा कैसी ||२||

                                नरपती हयपती | गजपती गडपती ||

                                 पुरंदर आणि शक्ती | पृष्ठभागीं ||३||

                                यशवंत कीर्तिवंत | सामर्थ्यवंत वरदवंत ||

                                 पुण्यवंत आणि जयवंत | जाणता राजा ||४||

                                 आचारशील विचारशील | दानशील धर्मशील ||

                                 सर्वज्ञपणें सुशील | सर्वाठायीं ||५||

                                  धीर उदार सुंदर |शूर क्रियेसी तत्पर ||

                                  सावधपणे नुपवर | तुच्छ केले ||६||

                                  सकल तीर्थें मोडिलीं | ब्राह्मणस्थानें भ्रष्ट झालीं ||

                                  सकळ पृथ्वी आंदोळली | धर्म गेला ||७||

                                  देवधर्म गोब्राह्मण स्थानें | करावयासी संरक्षण ||

                                  हृदयस्थ झाला नारायण | प्रेरणा केली ||८||

                                   उदंड पंडित पुराणिक | वाघीश्वर यादनिक वैदिक ||

                                   धूर्त तार्किक सभानायक | तुमचे ठायीं ||९||

                                   या भूमंडळाचे ठायीं | धर्मरक्षी ऐसा राजा नाहीं ||

                                   महाराष्ट्र धर्म राहिला काहीं | तुम्हां कारणें || १० ||

                                   आणिक काही धर्म चालती | श्रीमंत होऊन कितेक असती ||

                                    धन्य धन्य तुमची कीर्ति | विश्वी विस्तारली ||११||

                                    कितेक दुष्ट  संहारिले |कितेकांसी धाक सुटले ||

                                    कितेकांसी आश्रय जाहले | शिवकल्याण राजा ||१२||

                                    तुमचे देशी वास्तव्य केलें | परंतु वर्तमान नाहीं घेतले ||

                                    ऋणानुबंधें विस्मरण  जाहलें | काय नेणू ||१३||

                                    सर्वज्ञ मंडळी धर्ममूर्ती | सांगणें काय तुम्हांप्रति ||

                                     धर्मस्थापनेची कीर्ति | संभाळीली  पाहिजे ||१४||

                                     उदंड राजकारण तटलें | तेथें चित्त विभागलें ||

                                     प्रसंग नसता लिहिलें | क्षमा केली केली पाहिजे ||१५||

            

                                                          --------------------