Thursday, 1 February 2018

💐भटकंती मनसोक्त........💐


                         💐 वाय. झेड.......💐

         या नावाची एक मान्यवर गिर्यारोहण संस्था मुंबईत कार्यरत आहे.'वाय झेड' म्हणजे यंग झिंगारो ट्रेकर्स.
         वाय झेडचे ऐतिहासिक कार्य म्हणजे शिव स्वराज्याची पहिली राजधानी किल्ले रायगडावरील गडजगरण सोहळा.हा कार्यक्रम राज्यभर गाजला.दूरदर्शनवर सुद्धा त्याचे प्रेक्षपण झाले होते.
          १९८५ मध्ये झालेल्या या गडजागरणाचे कौतुक दुर्गमहर्षी अन लेखक स्वर्गीय गो.नि.दांडेकर. तसेच साबिर शेख.शिल्पकार अण्णा सहस्रबुद्धे या मान्यवरांनी केलेय.तीन दिवस ते स्वतः गडावर राहिले होते.
           गिरिप्रेमी मावळ्यांचे कौतुक करताना गोविंदा भारावून गेले होते.त्यावेळी ते म्हणाले होते,'एवढी चांगली मंडळी तुम्ही,हे तुमचे काम बघून शिवप्रभूही धन्य झाले असतील.....पोरांनो मोठे काम केलेत तुम्ही....पण मला हे तुमचे 'वायझेड' हे नाव बुवा पटत नाही काही.ते बदलुन टाका बघु आधी.....'.
           मात्र वायझेड नाव आहे तसेच राहिले.त्याला कारणही तसेच आहे.कारण हे नावच 'हटके'आहे.
           माझ्या भटकंतीची सुरुवात खऱ्या अर्थाने याच संस्थेतुन झालीय.सहयाद्रीचे खोरे आणि भव्य अशा हिमालयाची ओळख. मी अन माझ्यासारख्या हजारो दुर्गवेड्याना वायझेड मुळेच झालीय.
           मुंबईतील गिरगावमध्ये विद्याधर बिर्जे,हर्डीकर बंधू,भिडे बंधू,यादव बंधू,शुभांगी सोहोनी,अंत्या जोशी,गुराम, श्री दळवी(ही यादी खूप मोठी आहे)अशा डोंगरवेड्यांनी मिळून स्थापन केलेली आणि जव्हेरी फॅमिलीने सक्रिय राहून प्रोत्साहित केलेली यंग झिंगारो ट्रेकर्स ही गिर्यारोहण पदभ्रमण संस्था आता महाराष्ट्रात सुप्रसिद्ध आहे.
            सह्याद्रितील दुर्ग मोहिमा,अंध अपंग मित्रांचे गिर्यारोहण,अवघड कडे कपारीवर प्रश्तरारोहण, तसेच नवख्या पण साहसी तरुण तरुणींसाठी निसर्ग साहस शिबिरांचे आयोजन,प्रशिक्षित व अनुभवी गिर्यारोहकांच्या हिमालयीन शिखरांवर मोहिमा.यात 'वायझेड'वर्षभर मग्न असते.
            महाराष्ट्राने सन १९९८ च्या मे महिन्यात एव्हरेस्टवर आपले पाऊल ठेवले त्या नागरी मोहिमेचा नेता आणि मान्यवर गिर्यारोहक ऋषिकेश यादव हा वायझेडचा स्टार गिर्यारोहक आहे.
            याच संस्थेच्या माध्यमातून मला १९८६ साली दार्जिलिंगच्या एच.एम.आय.या सुप्रसिद्ध संस्थेतून प्रशिक्षण घ्यायची संधी मिळाली.त्यांनतर मी जमेल तशी भटकंती सुरू केली.संस्थेच्या काही मोहिम उपक्रमात सक्रिय राहून सेवा केली.हे करताना मिळालेले अनुभव मला पुढच्या वाटचालीत उपयोगी ठरलेत त्याबद्दल मी वायझेडचा सदैव ऋणी आहे.


       

No comments:

Post a Comment