Yes,Life Is Beautiful,but.......

           शेखर कपूर दिग्दर्शित   ‘ बँडिट क्वीन ’ हा चित्रपट मी दोनदा पाहिला . एकदा ‘ प्रभात ’ आयोजित विशेष कार्यक्रमात २०१२ मध्ये व त्यापूर्वी पब्लिक थिएटरमध्ये १९९६ साली .                 आयुष्यात खूप दुखं भोगलेली एक स्त्री पुढे काय करू शकते , हे फुलनदेवीने जगाला दाखवून दिलेय . दुःख भोगल्यानंतरचे आयुष्यही तीच्या बाबतीत कठोर व दुर्दैवी निघाले . याचे चित्रण करणारा ‘ बँडिट क्वीन ’ चित्रपट समाज संवेदना जागृत असणाऱ्या प्रेक्षकाला आतून - बाहेरून अस्वस्थ करतो . यातील चित्रण एवढे भीषण व वास्तववादी आहे , की त्याचे इतर कलात्मक अंग व वैशिष्ट्य गौण ठरते .                 आज इतक्या वर्षानीदेखील आपल्या देशातील ग्रामीण स्त्रियांचे हाल संपलेले नाहीत . त्या अन्याय सोसत जगत आहेत . ‘ मीडिया ’ प्रामाणिकपणे व न घाबर...