Yes,Life Is Beautiful,but.......

💐समाजसंवेदना..........                  उस्मानाबाद-लातूर परीसरातील किल्लारी येथे १९९३ मध्ये  झालेल्या प्रलयंकारी भूकंपाची दुर्घटना बहुधा सर्वाना ज्ञात असेल.घटना तशी जुनी आहे. पण अंतर्मुख करणारी.                  समाजात राहताना,वावरताना आपण कर्तव्यभावनेने एखाद्या सत्कार्यात सहभागी होतो, आणि मग येतात ते विविध अनुभव आपल्याला अंतर्मुख करतात.                 याविषयीच येथे लिहिले आहे....................                                                                 💐दुःख पर्वताएवढे.............                                  धरणी कंप पावते म्हणजे नेमके काय होते, याचा प्रत्यक्ष अनुभव घेतला ३० सप्टेंबर १९९३ च्या पहाटे रामप्रहरी ! वास्तविक आम्ही मुंबईकर यावेळी अगदी गाढ झोपेत असतो.                  मी सुद्दा त्यावेळी गाढ झोपेत होतो. आपण झोपाळ्यावर असल्यासारखे हलत आहोत, ही जाणीव झाली मात्र, ताडकन उठलो.काहीसे ओरडलो सुद्दा ! 'अहो, हलतंय हलतंय बघा.' हे शब्द उच्चारताना जवळच्या भिंतीवरील मोठे पुस्तकांचे कपाट तर पडत नाही ना ? हे पहिले. घरातले कोणी उठेनात. मग स्वतःला वेड