💐💐मन भावन कविता, गीत अन् गाणं💐💐

                   आपल्या घराचे घरपण कायमस्वरुपी टिकावे, असे साऱ्यांनाच वाटते. हे सांगणारी एक भावकविता माझ्या कायम स्मरणात आहे. मोजक्या शब्दांत आपल्या घराबद्दलच्या भावना करणारे हे सुंदर काव्य आहे.

                   मात्र हे काव्यलेखन करणारे मान्यवर कवी कोण, याचा शोध मला अद्यापही लागलेला नाही………..

💐घर💐

घर असावे घरासारखे, नकोत नुसत्या भिंती

तिथे असावा प्रेम जिव्हाळा, नकोत नुसती नाती

त्या शब्दांना अर्थ असावा, नकोच नुसती वाणी

सूर जुळावे परस्परांचे, नकोच नुसती गाणी

त्या अर्थाला अर्थ असावा, नकोत नुसती नाणी

अश्रूतुनही प्रीत झरावी, नकोच नुसते पाणी

या घरट्यातून पिलू उडावे, दिव्य घेऊनी शक्ती

आकाक्षांचे पंख असावे, श्रीस्वामींवर भक्ती.

 

          ::::::::::::::::::::