💐💐सुविचार – काव्यकण💐💐

             आपल्या बलशाली महाराष्ट्र राज्याच्या स्थापना दिनाच्या सर्वांना हार्दिक शुभेच्छा……….

 💐जय जय महाराष्ट्र माझा💐

होऊनी हर्षित गातो आम्ही

थोरवी महाराष्ट्राची,

नमन तुजला करितो आम्ही

तू पवित्र भूमी संतांची !!

पाहिलेस तू परकीय स्वकीय

झेलल्या किती यातना,

उद्धरिण्या तुज शिवबा आला

जागविली नवचेतना !!

माळ दुर्गांची शोभते कंठी ही

लखलखती माणिकमोती,

उभा सह्याद्री पाठीशी मग

काय कुणाची भीती !!

मूळ भाषा मराठीच ती

नांदते सर्वांघरी,

रुपडे नवे ती धारण करिते

बदलून वरचेवरी !!

इतिहास हा ज्वलंत याचा

अन् पिंड लढवय्याचा,

करीतसे मी नमन तुजला

तू प्रणाम घ्यावा माझा !!

                                                         ::::::::::::::::::