💐💐चित्रपट गप्पा💐💐

प्रभात चित्र मंडळाने ‘सेलिब्रिटी स्क्रिनिंग’ ही विशेष चित्रपट मालिका काही महिने प्रदर्शित केली होती. त्या कार्यक्रमात एकदा प्रसिद्ध नाटककार, लेखक व दिग्दर्शक अभिराम भडकमकर यांनी त्यांना भावलेला विदेशी चित्रपट सादर केला होता.

गायिकेचे अंतर्मन चितारणारे आगळे कथानक व प्रमुख अभिनेत्रीचा अस्सल अभिनय अशी वैशिष्ट्य असणारा हा गाजलेला चित्रपट होता. त्याचे मला ऊमजलेले कथानक मी तुम्हाला सांगत आहे…………….

💐सेलिब्रिटी स्क्रिनिंग फिल्म💐

*सिस्टर ॲक्ट(१९९२-अमेरिका)*

*प्रमुख अभिनेत्री : व्हूपी गोल्डबर्ग, दिग्दर्शन-एमिल अरदोलिनो.

एका नाईट क्लबच्या वाध्यवृंदामध्ये छान गाणारी व नाचणारी हसतमुख व्यक्तिमत्वाची एक गायिका असते. तीच आहे या चित्रपटाची नायिका. तो नाईट क्लब प्रसिद्द असल्याने तेथे रसिक प्रेक्षकांची वर्दळ आहे.

त्या क्लबमध्ये वारंवार येणारे तीघे गुंड नायिकेशी जवळीक ठेवणारे आहेत. एक दिवस तीला छान अशा ड्रेसची भेट त्यातला एकजण देतो. नायिका खूप खुश होते. तो ड्रेस आपल्याला कसा दिसेल हे पहायला ती जवळच्या ड्रेसिंग रूमकडे निघते.

मात्र, आत प्रवेश केल्यानंतर तीला तीघे गुंड एका माणसाशी झटापट करीत असलेले दिसतात. तीला धक्काच बसतो ! ते तीघे त्याला दमदाटी करून काहीतरी मागत असतात. झटापटीमध्ये त्या माणसाला गोळ्या झाडून ठार केले जाते !

नायिकेला हे बघणे असह्य होते. ती त्या रूममधून लगबगीने बाहेर पडते. ते सावध होतात व तीच्या मागे जातात. तीला दमदाटी करतात. मग ती घाबरून सुसाटत पळत सुटते.

पाठलाग करताना मात्र त्यांची व तीची चुकमुक होते. ती थेट जवळच्या पोलीस ठाण्यात जाते. तेथल्या अधिकाऱ्याला जमेल तशी घटना कथन करते. या दुर्घटनेचा तीला प्रचंड धक्काही बसलाय.

पोलीस ऑफिसर चांगला आहे. तो विचार करतो. गुंडांपासून ती सुरक्षित राहावी, म्हणून तो एका चर्चच्या प्रमुखांना (सिनिअर नन) भेटतो. सारी घटना त्यांना सांगतो व काही सूचना देऊन नायिकेला त्यांच्या ताब्यात सोडून व तीला धीर देऊन निघून जातो.

आता काही कालावधीसाठी या नायिकेला चर्चमध्ये इतर नन्स प्रमाणे राहावे लागते.

इथल्या चर्चमधील ननचे लाईफ आणि पूर्वीचे तीचे स्वातंत्र्य यातील फरक ती प्रत्यक्ष अनुभवित आहे. यातले काय चांगले ? काय वाईट ? याचा ती स्वतःशीच विचार करताना गोंधळून गेली आहे. सर्वांसमोर मात्र ती हसतमुख राहून आपली नेमून दिलेली कामे चर्चमध्ये करीत राहाते.

या चर्चमध्ये एक वाध्यवृंदही आहे. त्यात नायिकेला इतर नन्सकडुन येशूस्तवनाची कारुण्यमय आवाजातील गाणी गंभीर आवाजात गाण्याचा व शिकण्याचा सराव करायच्या सूचना मिळतात.

मुळात ती गायिका असल्याने चांगला सराव करते. साहजिकच चर्चच्या समूह गायनात तीचा लवकर समावेश होतो. मात्र तीचे म्हणणे आहे की, आपले गाणे प्रभावित होण्यासाठी गायकाने ते प्रसन्न मनाने व हावभाव व्यक्त करीत गायला हवेय. ते गाताना नाचायलाही हवेय. तरच ते गाणे ऐकणाऱ्याला आवडेल. ते गाणे सार्थकीही लागेल.

खरेतर चांगल्या गाण्यात मोठी ताकद असते. ते समोरच्याला डोलायला, नाचायलाही लावते. गाणे गाण्यात आणि ते ऐकण्यात केवढा आनंद असतो !

या ठिकाणी एक सांगायला हवे की, चर्चच्या कार्यात लोकांची आर्थिक मदत व्हावी, नन्सच्या निर्वाहाचा आर्थिक भार कमी व्हावा, म्हणून चर्चमध्ये हा वाध्यवृंद कार्यरत आहे. या नन्स लोकांना मदत करण्यास तत्पर आहेत. त्यांना समाजाकडून सहानुभूतीचीही अपेक्षा आहे. या सर्व गोष्टी विचारात घेऊन ती नायिका गाण्यांचे स्वरूप बदलण्याचा आग्रह धरते.

चर्चच्या वाद्यवृंदाचे नवीन रूप समूहातील बहुतेकांना पसंद पडते. तीला त्यांची साथ मिळते. सिनिअर नन मात्र तीच्यावर नाराज होते व संताप व्यक्त करते. यामुळे काही वाद घडतात. नायिकेवर दबाव टाकण्याचे प्रयत्न होतात. तरीही नेटाने नायिका वाद्यवृंदात बदल घडविण्यात यशस्वी ठरते.

हळूहळू वाद्यवृंदातील गाण्यांना रिस्पॉन्स मिळू लागतो. चर्चची गाणी लोकप्रिय होतात. पूर्वी तुरळक माणसे यायची. परंतु आता चर्च गर्दीने भरून जाते. उपस्थित श्रोते तीचं गाणं ऐकताना तल्लीन होतात. तीला उस्फुर्त दाद देतात ! हे यश पाहून सिनिअर नन शांत होते.

आता सारे सुरळीत होत असताना ते खुनी गुंड नायिकेचा शोध घेत चर्च परिसरात येतात. पण पोलीस अधिकाऱ्याला त्यांचा सुगावा लागतो. तो नायिकेस सावध करतो व चर्चमधून बाहेर न पडण्याचा इशारा देतो. मात्र एकदा ती विमनस्क अवस्थेत असताना चर्चबाहेर पडते. नायिकेच्या मागावर असणारे गुंड पाठलाग करून तीला व तिच्याबरोबर आलेल्या ननला पकडतात व पळवून नेतात !

पण नायिका सावध असते. संधी पाहून हुशारीने दोघीही त्यांच्या तावडीतून सटकतात. ते गुंड मात्र पिच्छा सोडत नाहीत. त्यांचा पुन्हा पाठलाग सुरू होतो. योगायोगाने पोलीस अधिकाऱ्यांच्या दक्षतेने दोघीही त्या जीवघेण्या पाठलागातून वाचतात. येथे चित्रपट संपतो.

हा चित्रपट संपल्यावर प्रेक्षक आणि सेलिब्रिटी अभिराम भडकमकर यांमध्ये काही संवाद झाले.

संवाद करताना अभिराम भडकमकर म्हणाले- ‘ हा विषय म्हटला तर धार्मिक आहे, म्हटला तर धार्मिक नाही. यात, गाण्याचा प्रभाव माणसावर कसा पडतो ते दाखवले आहे. मात्र पश्चिमात्य देशात धर्मापेक्षा मानवी मन मोठे मानले जाते. ते समजून घेण्याइतके तिथले लोक समंजस आहेत ‘.

‘हा चित्रपट परदेशात प्रसिद्ध झाला, तेव्हा ज्या प्रेक्षकांना तो नाही आवडला, ते थिएटरच्या बाहेर निषेधाचा फलक हाती घेऊन उभे राहिले होते आणि ज्यांना तो आवडला ते प्रेक्षक थिएटरमध्ये चित्रपट पाहात बसले ! असे कधी आपल्याकडे नाही होत.’