Yes,Life Is Beautiful,but.......

         पुणे - आळंदीत एकदा काही कामानिमित्ताने जाणे झाले . बरोबर एक सहकारी मित्र होता . त्यावेळची ही ‘ वाद ’ घटना आहे . पुण्याहून आळंदीत दाखल झाल्यावर डॉ . बुचके म्हणून एक सद्गृहस्थ आहेत , त्यांचे घरी जाऊन एका कार्यक्रमाबद्दल बोलणार होतो .          श्रीज्ञानेशांच्या आळंदी या पुण्यनगरीत आल्यावर मला माहेरघरी आल्यासारखे वाटले . जास्त करून इथे मी एकट्यानेच येतो . एक दोन दिवस मुक्कामही करतो . एकांती चिंतन व आत्मपरीक्षण करायला इथे निवांत क्षण मिळतात . मन - चित्तास प्रेरणा मिळते . उदासी कमी होऊन उत्साह येतो . बाहेरच्या व्यवहारी जगात परत जाऊच नये असे वाटते .            पण आपण अजून व्यवहारी जगाच्या बेड्यात अडकलेले आहोत . इथे आलोय ते पॅरॉलवर . इथून परत बाहेर जावे लागणारच आहे , असे वाटून उदासी येते . पण ठीक आहे . इथे मिळणारी ऊर्जा बाहेरच्या जगात उपयोगी ठरतेय याचे समाधान मोठे आहे .             आता विषयाकडे वळतो . माझा सहकारी मि...